پاکستان کی معروف ماڈل اور اداکارہ کرن اشفاق نے اپنی زندگی کا ایک ایسا سفر مکمل کیا ہے جو ہر ماں اور خاتون کے لیے تحریک کا باعث بن سکتا ہے۔ کرن نے بیٹی کی پیدائش کے بعد 15 کلو وزن کم کر کے نہ صرف اپنی صحت کو بہتر بنایا بلکہ اپنی طاقت اور حوصلے کی بھی ایک نئی مثال قائم کی۔
انسٹاگرام پر شیئر کی گئی ایک ویڈیو میں کرن نے بتایا کہ یہ کامیابی صرف صبر، مستقل مزاجی اور محنت کا نتیجہ ہے۔ انہوں نے واضح کیا کہ وزن کم کرنا ان کے لیے ظاہری خوبصورتی کی خاطر نہیں تھا، بلکہ اپنے بچوں کے لیے ایک مضبوط اور صحت مند ماں بننے کی خواہش تھی۔
کرن نے کہا،
“میں نے یہ سب اپنی ذات کے لیے کیا تاکہ میں اپنی بیٹی کے پیچھے بھاگ سکوں اور اپنی زندگی کو دوبارہ بہترین بنا سکوں۔“
سوشل میڈیا پر کرن کی یہ ویڈیو اور ان کی داستان کو زبردست پذیرائی مل رہی ہے۔ ان کے مداح اور فالوورز ان کی ہمت اور مستقل مزاجی کو سراہ رہے ہیں، اور انہیں فٹنس اور ماں ہونے کے رول ماڈل کے طور پر دیکھ رہے ہیں۔کرن نے اپنے فٹنس ٹرینر کا بھی شکریہ ادا کیا جنہوں نے ان کی رہنمائی میں اہم کردار ادا کیا۔ یہ کہانی ہر اس خاتون کے لیے ہے جو ماں بننے کے بعد اپنی صحت اور فٹنس کو دوبارہ حاصل کرنا چاہتی ہے۔
