وزیرِ اعلیٰ پنجاب، مریم نواز نے کہا ہے کہ ملیریا کا خاتمہ اور صحت مند معاشرہ پنجاب حکومت کی اولین ترجیح ہے۔ انسدادِ ملیریا کے عالمی دن کے موقع پر اپنے پیغام میں مریم نواز نے کہا کہ “ملیریا خطرناک مگر قابلِ علاج مرض ہے، اور اس کے خاتمے کے لیے ہمیں سب کو متحد ہونا ہوگا!”انہوں نے مزید کہا کہ انسدادِ ملیریا کے لیے پنجاب حکومت کی جانب سے جدید حکمتِ عملی پر مؤثر عمل درآمد کیا جا رہا ہے، جس کے تحت خصوصی فنڈز مختص کیے گئے ہیں۔”ہر ضلع میں اینٹی ملیریا اسپرے، مفت ٹیسٹ اور علاج کی سہولتیں فراہم کی جا رہی ہیں”، وزیرِ اعلیٰ پنجاب نے بتایا۔ ساتھ ہی، ملیریا سے متاثرہ علاقوں میں بروقت طبی امداد کی فراہمی کو یقینی بنایا جا رہا ہے۔مریم نواز نے عوام سے اپیل کی کہ “ملیریا کے خاتمے کے لیے احتیاطی تدابیر اختیار کریں، صاف پانی کو ڈھانپ کر رکھیں اور مچھر دانیوں کا استعمال کریں!” انہوں نے یہ بھی کہا کہ “پنجاب کا ہر بچہ، ہر ماں، ہر خاندان ہماری ترجیح ہے اور ان کا تحفظ ہمارا مشن ہے!”
