پاکستان سپر لیگ (پی ایس ایل) 10 کے دلچسپ میچ میں ملتان سلطانز نے لاہور قلندرز کو 33 رنز سے شکست دے دی۔ ملتان کرکٹ اسٹیڈیم میں کھیلے گئے اس میچ میں ملتان سلطانز نے پہلے بیٹنگ کرتے ہوئے 228 رنز کا ٹوٹل اسکور کیا۔
یاسر خان کی 44 گیندوں پر 87 رنز کی دھواں دار اننگز، محمد رضوان کی 32، عثمان خان کی 39 اور افتخار احمد کی 40 رنز کی ناقابل شکست اننگز نے لاہور قلندرز کے لیے جیت کو مشکل بنا دیا۔
ہدف کے تعاقب میں لاہور قلندرز کی ٹیم 195 رنز تک ہی محدود رہی، سکندر رضا نے 50 رنز کے ساتھ ٹیم کی کوششوں کو برقرار رکھا، لیکن وہ اکیلے ملتان سلطانز کا مقابلہ نہ کر پائے۔ملتان سلطانز کی جانب سے عبید شاہ نے 3 وکٹیں لے کر بہترین پرفارمنس دکھائی، جب کہ یاسر خان کو ان کی شاندار اننگز پر میچ کا بہترین کھلاڑی قرار دیا گیا۔ملتان کی یہ شاندار جیت پی ایس ایل 10 میں ان کی کامیابی کی مزید گواہی بن گئی!
