روس کی جانب سے یوکرین کے شمالی شہر سومی پر بیلسٹک میزائلوں کا حملہ، ایک اور انسانیت سوز واقعہ بن گیا۔ اتوار کی صبح ہونے والے اس حملے میں 34 افراد ہلاک اور 117 زخمی ہو گئے۔یوکرینی حکام کے مطابق، دو روسی بیلسٹک میزائلوں نے شہر کے مرکز کو نشانہ بنایا، جس میں یونیورسٹی سمیت 20 عمارتوں کو نقصان پہنچا۔ حملے میں کئی گاڑیاں بھی تباہ ہو گئیں۔یوکرینی صدر زیلنسکی نے اس حملے کی شدید مذمت کرتے ہوئے کہا کہ اس نے یوکرین کی معصوم عوام پر ایک اور وحشیانہ حملہ کیا ہے۔ یہ حملہ رواں ماہ روس کا دوسرا بڑا حملہ ہے، جس سے پہلے یوکرینی صدر کے آبائی شہر پر بھی حملہ کیا گیا تھا، جس میں 18 افراد ہلاک ہو گئے تھے۔یہ حملہ عالمی سطح پر شدید غم و غصے کی لہر دوڑا رہا ہے، اور دنیا بھر میں یوکرین کے شہریوں کے ساتھ ہمدردی کا اظہار کیا جا رہا ہے۔سومی شہر میں جاری تباہی اور روس کی جارحیت ایک اور خونریز صفحہ رقم کر رہی ہے، جس پر عالمی برادری کو سنجیدہ اقدامات کی ضرورت ہے۔
