بالی ووڈ کنگ شاہ رخ خان کی آنے والی فلم “کنگ” کے حوالے سے مسلسل خبریں اور افواہیں گردش کر رہی ہیں، اور اب ایک نیا سسپنس سامنے آیا ہے! کچھ دن پہلے یہ افواہیں تھیں کہ دیپیکا پڈوکون شاہ رخ خان کے ساتھ اس فلم میں مرکزی کردار ادا کریں گی، لیکن ہدایت کار سدھارتھ آنند نے ان خبروں کی تردید کر دی۔اب سوال یہ ہے کہ اگر دیپیکا پڈوکون نہیں ہیں تو پھر کونسی اداکارہ شاہ رخ خان کے ساتھ اس فلم میں جلوہ گر ہو گی؟ بھارتی میڈیا کی تازہ رپورٹ کے مطابق، اس فلم میں بھارت کی مشہور پنجابی اداکارہ و ماڈل سونم باجوہ کو کاسٹ کیا گیا ہے۔سونم باجوہ ایکشن سے بھرپور اس فلم میں اہم کردار ادا کرتی نظر آئیں گی، جو کہ کہانی کو مزید دلچسپ اور متاثر کن بنائے گا۔ تاہم، ان کے کردار کے حوالے سے ابھی تک مزید تفصیلات سامنے نہیں آئی ہیں۔واضح رہے کہ شاہ رخ خان نے گزشتہ سال سے اس فلم کی شوٹنگ شروع کر رکھی ہے، اور بھارتی میڈیا کے مطابق اس فلم میں شاہ رخ کی بیٹی سہانا خان اور ابھیشیک بچن بھی شامل ہوں گے۔اب دیکھنا یہ ہے کہ سونم باجوہ کا کردار کس طرح اس فلم کی کہانی میں رنگ بھرتا ہے، اور کیا یہ فلم بالی ووڈ میں ایک اور کامیاب پیش رفت ثابت ہوگی!
