رمضان جي ڀلاري مهيني دوران بجلي واهپيدارن لاءِ وڏي خوشخبري

رياض (ويب ڊيسڪ ) سعودي عرب ۾ بجلي واهپيادرن لاءِ خوشخبري سامهون آئي آهي.
واهپيدارن جي تحفظ لاءِ قائم ڪيل اداري اعلان ڪيو آهي ته رمضان جي ڀلاري مهيني دوران بجلي ڪمپني بل ادا نه ڪرڻ تي واهپيدارن جا بجلي ڪنيڪشن نه ڪاٽيا ويندا.
پرڏيهي خابرو اداري موجب، بجلي ڪمپني تي پابندي لاڳو ڪئي وئي آهي ته هو رمضان دوران ڪنهن به سبب بجلي جو سلسلو بند نه ڪندي.
اهڙي طرح اسڪولن جي امتحانن جي ڏينهن ۾ به جيڪڏهن بل ادا نه ڪيو ويو ته به بجلي نه ڪاٽي ويندي.
ان کانسواءِ سخت گرمي دوران منجهند 12 وڳي کان پوءِ به بجلي بند ڪرڻ تي پابندي هوندي.