کراچی: اسٹیٹ بینک آف پاکستان نے مانیٹری پالیسی کا اعلان کرتے ہوئے شرح سود میں 50 بیسز پوائنٹس کی کمی کر دی ہے۔
مرکزی بینک کی جانب سے جاری مانیٹری پالیسی کے اعلان کے بعد سود کی نئی شرح 10.50 فیصد مقرر کر دی گئی ہے۔
معاشی تجزیہ کاروں کی جانب سے توقع کی جا رہی تھی کہ شرح سود کو 11 فیصد پر برقرار رکھا جائے گا، تاہم مانیٹری پالیسی کمیٹی نے غیر متوقع طور پر شرح سود میں 50 بیسز پوائنٹس کی کمی کا فیصلہ کیا۔
واضح رہے کہ اس سے قبل اسٹیٹ بینک نے مئی 2025 میں شرح سود میں 100 بیسز پوائنٹس کی کمی کی تھی، جس کے بعد مسلسل تین بار شرح سود 11 فیصد پر برقرار رکھی گئی تھی۔
