پولیس نے ڈیفنس کے علاقے میں شہری سے 25 لاکھ روپے لوٹنے والے دو ڈاکوؤں کو مبینہ مقابلے کے بعد زخمی حالت میں گرفتار کرلیا۔
پولیس کے مطابق ملزمان نے گزشتہ روز بینک سے رقم لے کر نکلنے والے آصف مرزا نامی شہری سے 25 لاکھ روپے چھینے اور فرار ہوگئے تھے۔ واقعے کے بعد پولیس نے تعاقب کیا اور ملزمان کو عبدالستار ایدھی روڈ پر روکنے کی کوشش کی۔
ترجمان پولیس کا کہنا ہے کہ مشتبہ موٹرسائیکل سواروں کو رکنے کا اشارہ کیا گیا تو ملزمان نے اہلکاروں پر فائرنگ کردی، جس پر پولیس نے جوابی کارروائی کرتے ہوئے دونوں کو گرفتار کرلیا۔
گرفتار ملزمان کی شناخت ابراہیم اور محمد عابد کے نام سے ہوئی ہے۔ ملزمان کے قبضے سے
-
2 پستول
-
2 موبائل فون
-
واردات میں استعمال ہونے والی موٹرسائیکل
-
2 لاکھ روپے نقد
برآمد کر لیے گئے۔
پولیس کے مطابق گرفتار ملزم ابراہیم کے خلاف پنجاب میں ڈکیتی اور راہزنی کے 22 مقدمات درج ہیں۔
