نجی ادارے کی جانب سے شہر میں بڑے زلزلے کی پیشگوئی کے دعوے کے بعد چیف میٹرولوجسٹ امیر حیدر نے اہم بیان جاری کیا ہے۔ انہوں نے کہا کہ دنیا میں آج تک زلزلے کی صحیح اور قابل اعتماد پیشگوئی کرنا ممکن نہیں ہے، چاہے وہ جاپان جیسے ترقی یافتہ ممالک ہوں یا کہیں اور۔
چیف میٹرولوجسٹ نے واضح کیا کہ کراچی میں حالیہ چھوٹے زلزلے لانڈھی فالٹ کی معمولی حرکت کی وجہ سے آ رہے ہیں اور یہ قدرتی عمل کا حصہ ہیں۔ انہوں نے عوام کو یقین دلایا کہ ان جھٹکوں سے گھبرانے کی ضرورت نہیں اور یہ بڑے زلزلے کی پیش خیمہ نہیں ہیں۔انہوں نے کہا کہ عوام کو صرف سرکاری اور مستند ذرائع سے ہی معلومات حاصل کرنی چاہیے تاکہ افواہوں اور غیر ضروری خوف و ہراس سے بچا جا سکے۔ آخر میں انہوں نے زور دیا کہ زلزلے کی پیشگوئی ایک پیچیدہ سائنس ہے اور اس پر تحقیق جاری ہے۔
