کراچی پولیس نے چالان سے بچنے کے لیے جعلی نمبر پلیٹس کے بڑھتے ہوئے استعمال کے خلاف بڑے پیمانے پر مہم شروع کرنے کا اعلان کر دیا ہے۔
کراچی پولیس چیف جاوید عالم نے کہا ہے کہ شہر میں جعلی نمبر پلیٹس کے استعمال کی اطلاعات موصول ہوئی ہیں، جس کے پیش نظر 19 دسمبر سے خصوصی مہم شروع کی جائے گی۔ اس مہم میں محکمہ ایکسائز بھی شامل ہوگا اور اہم شاہراہوں پر عملہ تعینات کیا جائے گا۔
انہوں نے مزید کہا کہ ٹیمپرڈ یا جعلی نمبر پلیٹ والی گاڑیوں کو فوری طور پر روکا جائے گا، اور اس کے خلاف مقدمہ درج کیا جائے گا۔ جاوید عالم نے بتایا کہ ای چالان کے آغاز کے بعد ٹریفک کے نظام میں بہتری آئی ہے اور اب تک تقریباً ایک لاکھ چالان جاری کیے جا چکے ہیں۔
