پاکستان سپر لیگ (پی ایس ایل) 10 کے 12ویں میچ میں ملتان سلطانز نے لاہور قلندرز کو جیت کے لیے 229 رنز کا ہدف دے دیا۔
ملتان کرکٹ اسٹیڈیم میں کھیلے جانے والے اس میچ میں ملتان سلطانز نے ٹاس جیت کر پہلے بیٹنگ کا فیصلہ کیا اور ہوم کنڈیشنز کا بھرپور فائدہ اٹھایا۔ سلطانز نے 20 اوورز میں 5 وکٹوں کے نقصان پر 228 رنز بنائے۔
اوپنر یاسر خان نے شاندار بیٹنگ کرتے ہوئے 44 گیندوں پر 87 رنز بنائے۔ کپتان محمد رضوان نے 32، عثمان خان نے 39، اور اشٹن ٹرنر نے 15 رنز بنائے۔ اختتامی لمحات میں افتخار احمد نے 18 گیندوں پر 40 رنز کی ناقابلِ شکست اننگز کھیل کر اپنی ٹیم کو 228 رنز تک پہنچایا۔
لاہور قلندرز کی جانب سے رشد حسین نے 2 وکٹیں حاصل کیں، جبکہ شاہین آفریدی، سکندر رضا اور آصف آفریدی نے ایک ایک وکٹ لی۔اب لاہور قلندرز کے لیے یہ ہدف حاصل کرنا ایک بڑا چیلنج بن چکا ہے۔
