ہالی ووڈ کی مقبول ترین ایکشن سیریز مشن امپاسیبل کے مداحوں کے لیے بڑی خوشخبری! فلم کا دھماکا خیز ٹریلر جاری کر دیا گیا ہے اور اس کے ساتھ ہی ریلیز کی تاریخ بھی سامنے آ گئی ہے۔یہ 2 منٹ سے زائد دورانیے کا ٹریلر ٹام کروز کے شاندار اسٹنٹس، تیز رفتار ایکشن، اور ماضی کی جھلکیوں سے بھرپور ہے، جس نے شائقین کو مزید دیوانہ بنا دیا ہے۔ ٹریلر کا آغاز ایتھن ہنٹ (ٹام کروز) کے دل دہلا دینے والے منظر سے ہوتا ہے، جہاں وہ ایک تیز رفتار طیارے سے لٹک رہے ہیں، اور پس منظر میں ایک پراسرار آواز سنائی دیتی ہے، “یہ سب سچ نہیں ہو سکتا!”اس کے بعد، فلم کی پچھلی اقساط کے یادگار ایکشن سینز کی جھلکیاں پیش کی جاتی ہیں، جس میں ہنٹ کے خطرناک مشن اور ایکشن سے بھرپور مناظر دکھائے جاتے ہیں۔فلم کی کہانی میں ایک باغی مصنوعی ذہانت (AI) “دی اینٹٹی” کا کردار ہے، جو پوری دنیا کے لیے ایک بڑا خطرہ بن چکا ہے۔ ایتھن ہنٹ اپنی ٹیم کو آخری بار بھروسہ کرنے کی درخواست کرتا ہے تاکہ وہ اس خطرے کا مقابلہ کر سکیں۔مشن امپاسیبل: دی فائنل ریکوننگ کی ریلیز 23 مئی کو عالمی سطح پر سنیما گھروں میں ہو گی، اور ایکشن کے شوقین اس کے لیے بے صبری سے انتظار کر رہے ہیں
