برٹش ایئر ویز نے قطر (ڈو ہہ) اور متحدہ عرب امارات (دبئی/ابوظہبی) کے لیے اپنی تمام پروازیں ایک دن کے لیے معطل کرنے کا فیصلہ کیا ہے۔ یہ حفاظتی قدم مشرق وسطیٰ میں اسرائیل، ایران اور امریکا کے درمیان کشیدگی کے تیزی سے بڑھنے کے بعد اٹھایا گیا ہے ۔
یہ اقدامات خاص طور پر امریکی حملے کے فوراً بعد کیے گئے، جب امریکا نے ایرانی ایٹمی تنصیبات پر میزائل داغے ─ جس کے بعد ایران نے جوابی حملے کیے، اور اسرائیل نے اپنے فضائی حدود بند کر دیے ۔
برٹش ایئر ویز کا کہنا ہے کہ مسافروں اور عملے کی حفاظت اس فیصلے کا بنیادی مقصد ہے، اور وہ مسافروں کو لچکدار بکنگ کی سہولت فراہم کر رہے ہیں ۔ مغربی ایوی ایشن ماہرین نے خبردار کیا ہے کہ اگر حالات مزید بگڑے تو دیگر بین الاقوامی ایئرلائنز بھی اسی سمت میں قدم اٹھائیں گی، جس سے عالمی فضائی نظام پر گہرا اثر پڑ سکتا ہے ۔مسافروں سے گزارش کی گئی ہے کہ وہ سفر کی منصوبہ بندی کرنے سے پہلے ایئر لائن کی تازہ ترین خبروں کا جائزہ لیں تاکہ کسی بھی غیر متوقع تذبذب سے بچا جا سکے۔
