پاکستان کی معروف اداکارہ ماہرہ خان نے لندن میں اپنی نئی فلم “لو گُرو” کی پروموشن کے دوران پیش آنے والے ناخوشگوار ہراسانی کے واقعے پر پہلی بار کھل کر بات کی ہے۔لندن میں منعقدہ میٹ اینڈ گریٹ تقریب کے دوران ماہرہ خان کو ہجوم میں پھنسنے کے ساتھ ساتھ ایک سیکیورٹی گارڈ کی حد سے زیادہ قریبی حرکتوں کی وجہ سے شدید بے چینی کا سامنا کرنا پڑا۔ یہ ویڈیو سوشل میڈیا پر وائرل ہو گئی، جس نے شائقین اور مداحوں میں شدید تشویش اور غم و غصے کی لہر دوڑا دی۔
اداکارہ نے کہا کہ وہ ایک مضبوط عورت ہیں اور عام طور پر مشکل حالات میں خود پر انحصار کرتی ہیں، لیکن اس دن جب ان کی نظریں ہمایوں سعید سے ملیں، تو انہوں نے بغیر الفاظ کے اپنی پریشانی کا اظہار کیا، جس پر ہمایوں نے فوری طور پر ان کی مدد کی۔ہمایوں سعید نے بھی واضح کیا کہ اگر کسی بھی عورت کو ایسے حالات کا سامنا ہو، چاہے وہ ماہرہ خان ہوں یا کوئی اور، تو وہ ہر صورت مدد کے لیے آگے بڑھیں گے۔یہ واقعہ نہ صرف ماہرہ خان کی ہمت کی عکاسی کرتا ہے بلکہ خواتین کی حفاظت اور عوامی جگہوں پر مناسب سیکیورٹی انتظامات کی اہمیت کو بھی اجاگر کرتا ہے۔
