لاہور میں ڈی ایس پی عثمان حیدر کی بیوی اور بیٹی کی گمشدگی کا معاملہ حل ہو گیا، جہاں ڈی ایس پی عثمان حیدر نے اپنی اہلیہ اور بیٹی کو قتل کرنے کا اعتراف کر لیا ہے۔
ڈی آئی جی ذیشان رضا کے مطابق ڈی ایس پی عثمان حیدر نے بیان دیا ہے کہ اس نے اپنی بیوی اور بیٹی کو فائرنگ کرکے قتل کیا۔ انہوں نے بتایا کہ عثمان حیدر نے ایک ماہ قبل اپنی بیوی اور بیٹی کے اغوا کا مقدمہ تھانہ برکی میں درج کروایا تھا۔
ڈی آئی جی ذیشان رضا کا کہنا ہے کہ ملزم کی نشاندہی پر بیٹی کی لاش کاہنہ جبکہ بیوی کی لاش شیخوپورہ سے برآمد کر لی گئی ہے۔ دونوں لاشوں کو پوسٹ مارٹم کے لیے اسپتال منتقل کر دیا گیا ہے۔
پولیس کے مطابق ملزم سے مزید تفتیش کا عمل جاری ہے۔
