لاہور کے علاقے ہنجروال میں پولیس اہلکار نے مبینہ طور پر اپنے دو ساتھیوں کے ساتھ مل کر اپنی 23 سالہ بیوی کو قتل کر دیا۔ واقعے کا مقدمہ مقتولہ کے بھائی کی مدعیت میں پولیس اہلکار اور اس کے ساتھیوں کے خلاف درج کر لیا گیا ہے، تاہم واقعے کے بعد تاحال کوئی گرفتاری عمل میں نہیں آئی۔ پولیس نے مقدمہ درج کرکے تفتیش کا آغاز کر دیا ہے۔ ابتدائی اطلاعات کے مطابق قتل کی وجوہات گھریلو تنازعات بتائی جا رہی ہیں، تاہم پولیس تمام پہلوؤں سے معاملے کی چھان بین کر رہی ہے۔
