ذرائع کے مطابق بانی پی ٹی آئی عمران خان سے ان کی بہن عظمیٰ خان کی جیل میں ملاقات بیرسٹر گوہر کے رابطوں کے نتیجے میں ممکن ہوئی۔ بتایا جارہا ہے کہ ملاقاتوں میں پیدا ہونے والا ڈیڈلاک بھی بیرسٹر گوہر کی مداخلت سے ختم ہوا۔
اطلاعات کے مطابق عمران خان کی دیگر بہنوں—علیمہ خان اور نورین نیازی—کے علاوہ پارٹی کے کسی رہنما کو ملاقات کی اجازت نہیں ملی، تاہم عظمیٰ خان سے خصوصی طور پر ملاقات کرائی گئی۔
ملاقات کے بعد عظمیٰ خان نے بتایا کہ عمران خان کی صحت بہتر ہے اور وہ مکمل طور پر ٹھیک ہیں۔
ذرائع کے مطابق ابتدا میں ملاقات کے لیے بیرسٹر گوہر سے کہا گیا تھا، لیکن انہوں نے مؤقف اختیار کیا کہ بہنوں کا زیادہ حق ہے، جس کے بعد عظمیٰ خان کی ملاقات کو ترجیح دی گئی۔
