شمالی وزیرستان کے علاقے میر علی کے گاؤں عیسوڑی میں ایک مدرسے میں دھماکے کے نتیجے میں 2 بچے جاں بحق اور 8 زخمی ہو گئے۔
سیکورٹی ذرائع کے مطابق یہ حادثہ خوارج کے چھوڑے گئے بارودی مواد سے بچوں کے کھیلنے کے دوران پیش آیا۔ ذرائع نے بتایا کہ خوارج نے سکیورٹی فورسز کی کارروائیوں کو روکنے کے لیے بارودی سرنگیں بچھائی تھیں۔
خیبرپختونخوا میں مجموعی طور پر 114 مربع کلومیٹر علاقے میں بارودی مواد اور سرنگوں کی نشاندہی کی گئی تھی، جن میں سے پاک فوج نے 82 مربع کلومیٹر علاقہ کلیئر کر دیا ہے۔ سیکورٹی ذرائع کے مطابق باقی ماندہ علاقے کی ڈی مائننگ کا کام تیزی سے جاری ہے۔
