کراچی میں سندھ اسمبلی کے اجلاس کے دوران اسپیکر اویس قادر شاہ نے صوبائی حکومت کی ترجمان سمعتا افضال کو جھاڑ پلادی۔
اجلاس کے دوران ایم کیو ایم کی رکنِ سندھ اسمبلی قرۃ العین نے نشاندہی کی کہ سمعتا افضال خود سندھ حکومت کی ترجمان ہیں، لہٰذا وہ ایوان میں جوابدہ بھی ہیں۔ اس پر سمعتا افضال نے وضاحت دی کہ وہ مشیر نہیں بلکہ صرف ترجمان ہیں۔
اس صورتحال پر اسپیکر اویس قادر شاہ برہم ہوگئے اور سمعتا افضال کو مخاطب کرتے ہوئے کہا: “آپ کس سے پوچھ کر کھڑی ہوئی ہیں؟ بیٹھ جائیں۔”
ایوان میں یہ مکالمہ چند لمحوں کے لیے ماحول کشیدہ کر گیا، جس کے بعد اجلاس کی کارروائی معمول کے مطابق جاری رہی۔
