پاکستان ویمن ٹیم کی سابق کپتان اور آئی سی سی ہال آف فیم میں شامل پہلی پاکستانی خاتون کرکٹر ثناء میر نے ورلڈ ٹیسٹ چیمپئن شپ کے دوسرے روز لارڈز کرکٹ گراؤنڈ کی گھنٹی بجا کر کھیل کی شروعات کا اعلان کیا۔ یہ لمحہ نہ صرف پاکستان بلکہ عالمی کرکٹ کے لیے فخر کا باعث ہے۔ثناء میر کا یہ منفرد اعزاز ان کی نمایاں خدمات اور کھیل میں نمایاں مقام کی تصدیق ہے۔ لارڈز کے تاریخی میدان میں گھنٹی بجانا ہر کرکٹر کے لیے عزت کی بات ہوتی ہے، اور ثناء میر نے اس روایت کو اپنے نام کر کے خواتین کرکٹ کی اہمیت کو بھی اجاگر کیا۔یاد رہے کہ اس وقت لارڈز میں آسٹریلیا اور جنوبی افریقہ کے درمیان ورلڈ ٹیسٹ چیمپئن شپ کا شاندار فائنل جاری ہے، جسے دیکھنے والے کرکٹ کے شائقین کے لیے ایک یادگار موقع ہے۔ثناء میر کی کامیابی اور اعزاز پاکستان کرکٹ کے لیے ایک نئی تاریخ رقم کرنے کا ثبوت ہے، جسے ملک بھر میں گرمجوشی سے سراہا جا رہا ہے۔
