ایران نے اسرائیل کے لیے جاسوسی اور ہلاکت خیز آلات کی اسمگلنگ کے الزام میں تین افراد کو پھانسی دے کر سخت کارروائی کی ہے۔ ایرانی عدالت نے ملزمان کو اسرائیل کی خفیہ ایجنسی موساد کے ساتھ تعاون کرنے کا مجرم قرار دیا ہے۔
ایرانی میڈیا کے مطابق، حالیہ 12 روزہ کشیدگی کے دوران ایران نے اسرائیل سے تعلقات کے الزام میں 700 افراد کو گرفتار کیا ہے۔ یہ گرفتاریاں ایران اور اسرائیل کے درمیان جاری شیڈو وار کا حصہ ہیں، جس میں دونوں ممالک خفیہ محاذ پر ایک دوسرے کو نقصان پہنچانے کی کوشش میں مصروف ہیں۔
ایران نے اپنی جوہری تنصیبات اور قومی سلامتی کی حفاظت کو اولین ترجیح قرار دیتے ہوئے موساد کے رابطے میں ملوث افراد کے خلاف کڑی کارروائیاں جاری رکھنے کا اعلان کیا ہے۔
