تہران: ایران میں پھنسے پاکستانی طلباء و طالبات کا طویل انتظار ختم ہو گیا ہے کیونکہ سفارتی کوششوں کے بعد ان کا قافلہ تہران سے وطن واپسی کے لیے روانہ ہو گیا ہے۔ یہ قافلہ 6 بسوں پر مشتمل ہے جو تفتان بارڈر کی جانب جا رہا ہے جہاں سے طلباء کو محفوظ طریقے سے پاکستان واپس لایا جائے گا۔سفارتی ذرائع کے مطابق، یہ طلباء انجینئرنگ اور دیگر شعبوں میں زیر تعلیم ہیں اور گزشتہ دنوں سے ایران کی موجودہ کشیدہ صورتحال کی وجہ سے اپنے وطن واپس آنے کے منتظر تھے۔ پاکستانی سفارت کاروں نے طلباء کو تہران میں روانگی سے قبل الوداع کہا اور ان کی جلد محفوظ واپسی کے لیے بھرپور اقدامات جاری ہیں۔تفتان بارڈر پر بھی راہداری کے انتظامات مکمل کر دیے گئے ہیں تاکہ طلباء کو آسانی اور تحفظ کے ساتھ وطن پہنچایا جا سکے۔ حکومت کی اس کامیاب سفارتی کوشش کو پاکستانی کمیونٹی میں خوشی اور تسلی کی نگاہ سے دیکھا جا رہا ہے۔
