اڈیالہ جیل کی حفاظت کو مزید مستحکم بنانے کے لیے اس کے پورے نواحی علاقے کو فوری طور پر ریڈ زون قرار دے دیا گیا ہے۔
ذرائع کے مطابق اڈیالہ جیل کے نواحی علاقوں کی حدود کا حتمی تعین آج کیا جائے گا، اور اس ریڈ زون کے اندر و داخلی راستوں پر قانون نافذ کرنے والے اداروں کے ماہر عملے کو بھاری تعداد میں تعینات کیا جائے گا۔
قابل اعتماد ذرائع نے بتایا کہ اڈیالہ جیل میں قیدیوں کی تعداد ساڑھے 7 ہزار سے زائد ہے، اور تحریک انصاف کے بانی عمران خان کی سلامتی کے حوالے سے خصوصی احتیاط کی جا رہی ہے۔
یاد رہے کہ گزشتہ روز وفاقی وزیر قانون اعظم نذیر تارڑ نے وزیر اطلاعات عطا تارڑ کے ہمراہ پریس کانفرنس میں کہا تھا کہ اگر کسی نے جیل توڑنے کی کوشش کی بھی تو ریاست کی جانب سے بھرپور ردعمل دیا جائے گا۔
