خیبرپختونخوا سے افغان تارکین کی واپسی کا عمل تیزی سے جاری ہے۔ محکمہ داخلہ کے مطابق طور خم بارڈر سے سیکڑوں غیر قانونی افغان باشندوں کو واپس وطن روانہ کر دیا گیا ہے تاکہ ملک میں غیر قانونی تارکین کی موجودگی کو کنٹرول کیا جا سکے۔اسی طرح انگور اڈا بارڈر سے بھی افغان باشندوں کی واپسی کی کارروائی کی گئی ہے۔ اس دوران 243 افغان سیٹزن کارڈ ہولڈرز کو بھی وطن واپس بھیجا گیا ہے۔محکمہ داخلہ نے بتایا کہ ستمبر 2023 سے اب تک مجموعی طور پر 5 لاکھ 49 ہزار سے زائد افغان باشندے پاکستان سے واپس اپنے ملک لوٹ چکے ہیں۔ یہ واپسی کا عمل ملک میں امن و امان اور قانون کی بالادستی کو یقینی بنانے کے لیے جاری ہے۔محکمہ داخلہ کا کہنا ہے کہ اس سلسلے کو آئندہ بھی مستقل بنیادوں پر جاری رکھا جائے گا تاکہ غیر قانونی تارکین کی پاکستان میں غیر مجاز موجودگی کو ختم کیا جا سکے۔
